قصيدة أنا خلاص دخلت الكلية

أه يا دماغى .. آه يا عينيّه **** جالى الضغط من الكلية

ضحكوا عليه وقالوا خلاص **** راح ترتاح بعد الثانوية

كان فى كابوس .. أسمه دروس **** قلت خلاص مش راجع ليّه

بدل الدرس بقى فيه كورس....... **** فرقت يعنى فى التسمية؟؟

قلت أنا رافض أى دروس **** عاوز بس عزيمة قوية

رحت أذاكر .. قلت حدوس **** بس بدأت بالوصفية

جالى سؤال حسّيتوا غريب **** قلت أفكر برضه شوية

مثل مسقط عُرف الديك **** لو معلوم ريشة أفقية

راحت يعنى درجة عليه! قلت بناقص حل ال شيت

بعد يومين قال إيه فرحان **** قالوا احنا هناخد حاجة عملية

معمل فيزيا .. آه يا سلام **** حعمل شغل أكيد بإدية

وأنا فى المعمل جالى سؤال **** قالوا دا كان جايلكوا هدية

هاتلي قانون ال سيرفس تينشن **** لو تانجينشيال ع الملوخيه

يانا يا حوستى **** وال فيسكوسيتى أنا حأتجنن بعد شوية

سبت المعمل وأنا قرفان **** رحت محاضرة وحالتى غبية

بعد شوية غلبنى النوم **** بس سمعت زعيقة قوية

قمت بسرعة وأنا مصدوم **** أصل الزعقة طلعت ليّه

قاللى الدكتور نايم نيننا؟! **** نام يا حبيبى صعبت عليّه

هات كارنيهك بس أشوفوا **** يبقى أنا ساقط ميه الميه

يادى النيلة حعمل إيه؟؟ **** أنا مش ناقص أى أذية

ماما حبيبتى حقولها إيه؟ **** حطت كل أملها عليّة

قلت يا دكتور آخر مرة **** قاللى أستنى برة شوية

حبّة كمان ولاقيته ندهلى**** بس بصوت مليان حنية

قال لى يا أبنى لازم تفهم **** أنت دخلت خلاص كلية

يعنى نظام .. يعنى مذاكرة **** يعنى حياة كلها جدية

خلص الموقف ده بسلام **** وأنا واقف روحى فى رجلية

فات أسبوع وأتنين وتلاتة **** كانت كل حاجة عادية

كنت مذاكر كله تمام **** كنت متابع بأهمية

جا الميد تيرم .. قلت وماله **** كنت مذاكر ميه الميه

رحت اللجنة وكللى سعادة **** فاكر إن هناك تسليّة

شفت الورقة وأنا مصدوم **** جت مكتوبة بلغة هندية

قلت أركز بس شوية **** لازم فيها فكرة ذكية

كل شوية الوقت بيجرى! **** لسة الورقة زى ما هيّه

أعمل إيه مش عارف أحل **** دى القوانين كلها منسية

سحبوا الورقة وأنا محتاس **** كانت صدمة شديدة عليّه

يوم ورا يوم صدمات شغالة **** سابت عقدة فى النفسية

أنا مش عارف أعمل حاجة! **** أنا ضايع أنا خيبة قوية

حتى الشعر دا زى الزفت **** مش نافع حتى فى أغنية

رحت لربى حينجينى **** هو لوحده العالم بيّه

بس كفاية سيبونى فى حالى **** يمكن أشفكوا السنة الجاية



نور محمد

بس كفاية سيبونى فى حالى **** يمكن أشفكوا السنة الجاية
ههههههه
هذي امسحيها

ههههههه
كلام حلووووو


يمكن اشفوكم في السنة الجاية احتمال


متكنش سنو جاية


هههه

اسعدنى مرورك زعيم
نور

اسعدنى مرورك عاشقة
نور

والله معاكى حق

حلوة والله