ليه الحيره مش سيبانى.........كل ما تبعد ترجع تانى
ليه احزانى يا دنيا كتير.........ليه الفرح كتير ينسانى
ليه الحب يقرب منى..........يوصل عندى يهرب تانى
ليه القلب يعيش فى عذاب......ليه الحزن ياناس عنوانى
ليه الكل بيقسى عليا ........... ليه عايش وحدى فى احزانى
ليه الشوك مزروع فى طريقى ...... ليه حبايبى ياناس نسيانى
قولى امتى هترجع تضحك........وترضى عليا فى يوم يا زمانى
وأرجع تانى لحضن حبايبى .........وانسى فى يوم انى وحدانى
كل الناس اللى نسيتنى..............ترجع تانى تقول فكرانى
ترجع ليا أغلى حبيبه.........تقولى واحشنى وأقولها وحشانى
ساعتها بس احب الدنيا وتبقى دى جنه بالنسبالى
موضوع: لـــيه الحــــيره.....!!!! شاطرالمزيد! 
الأحد 19 أغسطس 2012 - 19:56