braryelhoub
V.I.P
تاريخ التسجيل : 24/07/2011
الموقع : Kataratmae
 |  موضوع: بحلم باللي جاي  السبت 28 يوليو 2012 - 17:16 | |
| بحلم باللي جاي
وبشوف ب خيالي بكره
بشوفه هييجي ازاي
هبقي فيه انا ولاذكري
بحلم اشوفك عاليه
عاليه بامجادك
اعلي منهم يا غاليه
ويكترو حسادك
ده كل البشر ماشيه
وانتي اللي ف مكانك
بحلم اشوف ولادك
للخير شيلينك
وان حد فكر يهدم
او فكر يهينك
نمحيه ده القليل يمكن
او يبقي فيكي سجينك
بحلم اشوف النيل
والميه فيه صافيه
لا نرمي فيه منديل
ولا اي حاجه تانيه
بحلم اوطي فيه
واشرب من الميه
بحلم انا ببكره
تتحقق ديموقراطيه
شمس تكون ساطعه
بنور الحريه
اراء تكون حره
واحس بكيان ليا
ولا نهرب منها بره
ولا حاجه من ديا
بحلم اشوف الكل
يهربو ييجيو ف حضنك
لا نظره فيكي تقل
ولا تخلي بوعدك
بحلم اشوف الظلم
ملهوش مكان اصلن
والعدل فيكي يعم
وتاخدي برايي فعلا
ولو هحلم انا بالحلم
يتحقق قبل ما احلم
بحلم ما الاقي فقير
علي الارض نايم
بحلم بـ حلم كبير
مش وقتي يكون دايم
بحلم بالعدل يصير
والكل عليه قايم
بحلم برجوع بالدين
ونوحد الدايم
بحلم بكل اتنين
يتحقق حلمهم
ميستنوش سنين
لاجل يلاقو نفسهم
ولا يحسو بانين
لاجل الوطن ذلهم
بحلم انا بكدبه
كدبه بطعم مسكر
لا ومن حلاوتها
اخلي الكدبه تكبر
وبهبلي اصدقها
ولحقيقتها استنكر
وفجاه افوق منها
والاقيها بتتبخر
والاقيها منسيه
ومش عارف اتذكر
خايف انا ف يوم
لا ف النفق نفضل
نحلم في طول النوم
ويوم ما نصحي الحلم يرحل
بحلم ونفسي نصحصح
للي حوالينا
ف ايادي خاينه بتجرح
وبيقولوا دي ايدينا
واقف ف الخفا بيفرح
ف اللي عمله فينا
نفسي ف يوم نمحيه
واحنا اللي عليه نضحك
ورا القضبان نرميه
طب ما تيلا نتحرك
يلا بينا نبني
ما تيلا نتحرك
يلا بينا نبني
ما تيلا نتحرك
| |
|
نورا محمد
V.I.P
تاريخ التسجيل : 27/07/2010
| | موضوع: رد: بحلم باللي جاي الأحد 29 يوليو 2012 - 5:04 | |
| | |
|
braryelhoub
V.I.P
تاريخ التسجيل : 24/07/2011
الموقع : Kataratmae
| | موضوع: رد: بحلم باللي جاي الإثنين 30 يوليو 2012 - 17:58 | |
| | |
|
