ريحة خيانه على صدرك وريحـة مَـرَه

V.I.P تاريخ التسجيل : 08/12/2010 الموقع : الاردن

ريحة خيانه على صدرك وريحـة مَـرَه

شمّيتها في شْفـاك ولا قويـت اسألـك

شمّيتها فـي عسـام الليـل قبـل انثـره

لا انا اعرفك زين وآصدّ ولا انا اجهلـك

في عطرها اللـي يلـم الليـل ويبعثـره

لا يفضح الستر في وجدك ولا يزهلـك

في شعرها اللي يلف الصدر من منحـره

لا نـاوي يعتـق احساسـك ولا يثكلـك

في لثمها... في قليله فَ اصدقه فَ اكثره

في زفرة الشوق لا هزّت خلا معزلـك

في لون برق الشرود وحـرّه ومجمـره

في دمعة كنّها هلّتْ علـى اغلـى هَلـكْ

نامت مكاني على صدرك وانـا مبهـره

جدّلتْ شعـري وظفّرتـه وهيّيـت لـك

وملّتْ سهرها بليل كنـت قبـل اسهـره

تفضحك ريحة مجادلهـا علـى مجدلـك
ضمّتكْ بين الفـرح والذنـب والمغفـره

لا لامتك من ضميـر ولا نـوتْ تقتلـك

وانـا اجمـع الذنـب وآعذّبـه واكفّـره

ليّاه يجرح بصدرك هامـة آخـر ملِـك

وأبقى بعرفك هبال... ابقى بعرفك مَـرَهْ

ما أقواك رجّال... حتى ما قويت اسألك

V.I.P تاريخ التسجيل : 08/12/2010 الموقع : الاردن