*(ساحر القلوب)*
V.I.P
تاريخ التسجيل : 09/12/2010
الموقع : *( المنصورة )*
 |  موضوع: قالوا الشاب دا هايف بتاع النت والشات كل همه شوية بنات  الإثنين 14 مارس 2011 - 13:33 | |
| [size=25]مذكرات شعب [/size]
قالوا
الشاب دا هايف
بتاع النت والشات
كل همه شوية بنات
ومش فاهم وعارف
مش سامع وشايف
الشاب دا خايف
رغيف العيش شاغله
والسيجارة
ميفهمش يعنى ايه
ديموقراطية
تقدم أوحضارة
ميعرفش فى الدستور
وعلى ايه هيصرخ
أو يثور؟
ياريس ريح دماغك
هنسكّت الشعب
وخليك انت فى عيالك
أهو الشعب ثار يا غجر
ورماكم بالحجر
شلكم من كراسيكم
سودلكو وش القمر
ظهر فيكم عدلى ومبيعدلش
وامى قالتلى يا بنى
نظيف مسحوق
واختك بيه مبتغسلش
قلتلها غيرى الغسالة
قالت انت مبتفهمش
ساعتها يمه فهمت
وعشان كده نزلت
ومكنتش خايف
قالوا ممكن تموت
قلت عارف
طب ونازل ليه؟
وهتعمل ايه؟
واديك شايف
أنا بس جاى ياريس أسألك
يمكن فى يوم أفهمك
عمرك كلت فول مسوس؟
أو سوس مدمس؟
غمست بعيش ناشف؟
حسيت انك فى يوم مظلوم؟
أو حقك فى الوطن مهضوم؟
ابنك يموت قدام عنيك
وانت شايف؟
جالك أمن دولة
خربو بيتك
حيران بتسأل ليه؟
وانت مش عارف
نمت فى يوم ع الرصيف؟
وقفت ف طابور طويل
عشان تاكل رغيف؟
بكيت لأنك كنت سالف؟
حسيت بالشعب الجعان؟
بصيت يوم ع الجيران؟
استنيت شوية فى الميدان؟
شوفت الزحمة عاملة ازاى؟
هم على وش اللى رايح
ودمعة فى خد اللى جاى؟
واحد بيشحت ضحكه
توقف نهر حزن
وطوفان ألم جارف
ياريس قولى
تفيدك بإيه اكله حلوه
لما يكون الأكل
فى زورك واقف
تفيدك بإيه الضحكة
لما يكون الألم
لضحكتك ناسف
تفيدك بإيه مليون جنيه
لما قلبك يبقى نازف
ويفيدك بإيه الحرس
لما تكون
وسط الحرس خايف
مش هقول ياريس
حقك عليا
وانت عارف
لكن
نفسى أسمع منك
يا مصرى
أنا اسف
يا مصرى
أنا اسف | |
|
نورا محمد
V.I.P
تاريخ التسجيل : 27/07/2010
| | موضوع: رد: قالوا الشاب دا هايف بتاع النت والشات كل همه شوية بنات الإثنين 21 مارس 2011 - 5:04 | |
|  نور | |
|
*(ساحر القلوب)*
V.I.P
تاريخ التسجيل : 09/12/2010
الموقع : *( المنصورة )*
| | موضوع: رد: قالوا الشاب دا هايف بتاع النت والشات كل همه شوية بنات الإثنين 21 مارس 2011 - 13:12 | |
| شكرااااااااااااا لكي ولمرورك العظيم | |
|
