رومانسية الحيوانات

على شط النيل ماشية الجواميس

بتقول ياجميل أنا عايزة عريـــس



يطلـــــع فييس ويحل الكيــــس

نتغدى حشيش ونحلي دريس



هاتغذى حشيش واتعشى حشيش

واقفل على نفسي الباب والشيـش



لو غيط فــدان لأ ما يكفّيـــش

فدان ده يادوب أول سـرفيس



والبقرة تقول أنا عايزة التور

مايكونش مهندس ولا دكتور



ويجر الساقية فـــور باي فــور

ويجيب بيتي فور اربع وخميس





والمعزة تقول انا طالبة خروف

مالهوش اخوات ولاعنده ظروف



كسيب وامسكله انا المصروف

ويكون حيوان جنتل وحسيـــس



والفرخة اشترطت آل عالديك

انها ماتحبــش أي شــــــــريك



وقالتله اتحضّر خليك شيـــك

ودّينى ارقد ع البيض فى باريـس

ههههههههههههه
جميلة اوىبس هو انت من مصر
اصل اسلوبك فى الكلام مصرى

ههههه


فعلا حلوه بس لو كانت فصحى


لان في ناس ماراح يفهموها



تسلم اخي

اشكر كل من تفضل وقرأ مساهماتي في الموقع
نعم أنا من مصر

شكرا لك
انا مصرية ونور ونغم مصرين

الله عليك اجدع ناس المصريين
اسلوبك باين علية انة مصرى زى ما نغم قالت
مرحبا بك بيننا
نور

والله سعدت جدا باهتمامكم و تواصلكم المستمر و ان شاء الله اكون عند حسن ظنكم دائما

يعطيك العاافيه ع الطرح

دمت بحفظ الرحمن .,.

انا من ام الدنيا (مصر)



موضوع روعة