اللى بيحترم .. بيحترم نفسه

الشلام عليكم احبتى فى الله
الموضوع عن قصة لكن ليست لى


صحيح اللى بيحترم .. بيحترم نفسه
جمله ماما كانت دايما بتقولها لى وامبارح بس اتأكدت منها كويس قوى
ان كل واحد لازم يحترم اللى حواليه لو هو انسان محترم ..
مش لأن اللى حواليه يستاهلوا الإحترام ..

امبارح كنت بركب المترو وانا شايله بنتى الصغيره وعادة انا مابركبوش كتير لأنه مش طريقى .
وطبعا لأنى بحب احترم قوانين المكان اللى انا فيه فروحت ووقفت عند مكان باب الصعود
اللى بتوع المترو مش عارفين يعملوا ايه علشان الناس تفهم ان فيه مكانين عند كل عربيه .. بابين للصعود وبابين للنزول
لكن طبعا .. لا حياة لمن تنادى ...
واول ما المترو جه كل اللى نازلين اتجمعوا عند باب الصعود وزقونا وكنت هأقع انا وبنتى والباب يتقفل علينا لولا ستر ربنا
والغريب انى سمعت واحده بتقول يا جماعه فى باب للنزول ليه مافيش احترام
لاقيت اللى بيتريأوا عليها ويقولولها بصوت استهزاء آل احترام آل .... !!!!

ودى عينه من الاشكال اللى شفتها وهما نازلين من باب الصعود
بنات مش محجبه وبنات محجبه وستات كبار ومنتقبات ...

يعنى كل اشكال الشعب اللى الحاجه الوحيده اللى جمعت مابينهم انهم قرروا انهم ما يحترموش النظام !!

وطبعا هالاقى الكل بيقولى مش لما يبقى فى البلد نظام نبقى نحترمه ...

هارد واقولهم إن الله لا يغير ما بقوم حتى يغيروا ما بأنفسهم
وبعدين قال رسول الله صلى الله عليه وسلم
"أد الأمانة إلى من ائتمنك، ولا تخن من خانك" (رواه أبو داود)

يعنى مش معنى ان اللى حوالينا وحش ده يبقى مبرر لاننا كمان نبقى وحشين ..

تقدروا تقولوا الاولاد اللى بيشوفوا اهاليهم بيعملوا كده هايطلعوا ايه ؟؟؟

ايوه الموضوع مش بسيط ومش هين
يا جماعه عدم التزامك بأبواب الصعود والنزول انتى كده بتعملى الآتى :
أولا : تدافع اللى بيحصل ممكن يخليكى انتى شخصيا لا قدر الله تقعى مابين الرصيف والمترو او حتى تقعى وتتإذى او توقعى غيرك .
فلو ماخفتيش على غيرك ( ودا عيب وى ) على الأقل خافى على نفسك ..

ثانيا : ممكن التدافعى العكسى ده يضيع على واحده المحطه اللى عايزه تنزلها وتكون متأخره وعندها امتحان وممكن يضيع عليها
او يكون معاها دوا لحد عيان وممكن ماتقدرش تلحقه وممكن .. وممكن ...

ثالثا : ازاى هاتربى ابنك ان فى قوانين ونظام فى البيت لازم يحترمه وهو شايف اهله مابيحترموش النظام اللى خارج البيت ..

رابعا : الكل بيشتكى ويقول البلد حالها بايظ والمسئولين فاسدين ودى حقيقه ..
بس لما ييجى حد ويحاول يصلح ولو حاجه بسيطه قوى ليه مانساعدوش ( واحنا فى الحقيقه بنساعد نفسنا ) .

عارفين لو وقفوا عسكرى على كل باب يلم الناس اللى بيخالفوا ويدفعهم غرامات بعد يومين بس هاتلاقى الكل بقى ملتزم
بقى معقوله نلتزم علشان خايفين من الغرامه
ومانلتزمش علشان خايفين على نفسنا وعلى بعض
علشان احنا ناس محترمه وبنحاول نساعد نفسنا وبلدنا اننا نكون احسن
معقوله هى دى الحاله اللى وصلنالها ؟؟؟

وبعدين دا نوع من انواع إلتزامك الدينى كمان
عارفه ليه لأن المؤمن يمشى على الطريق المستقيم فى كل أمور دينه وحياته





الغرض من الموضوع حكمة


نور محمد .

يعطيكي الف عافيه

موضوع مميز

السلام عليكم

موضوع هادف يسلموا الايادي

سلام

تسلمي نورا

مواضيعك دائمآ متميزه

اهلا اخى الزعيم
اسعدنى مرورك
نور

اهلا بك اخى والله لك وحشة
نور

تسلم اخى الراقى
نور